رسالة إلى كل جزائري




تعرفوا معنى الحروف دي ايه ؟


عين عيوني واشيلك جواها واتكحل عليك


راء دي روحي دايما رايحية ليك


باء بقلبي اقربك
وأدفى بيك


ع ر ب


عرب يعني جدودي جدودك


يعني لوني زي لونك


يعني يومي يشبه يومك


عرب يعني ديني هو دينك


يعني اسمي هو اسمك


و دمي هو دمك


يعني امي هي امك


وولدي هو ولدك


عرب يعني عرضي هو عرضك


يعني ارضي هي ارضك


وموتي هو موتك


يعني قبري هو قبرك


عرب ولو مافهمت انك


بعدي عنك فيه مماتي وبعدك عني هو موتك


عرب ولو ما فهمت ان ايدي لما تكون في ايدك


نبقى حزمة قوية وما يقدر عدو يصيدك





اما ب ر ع


برع الغباء انه يفك حزمتك


ويخليك تدوس على اخوك بجذمتك


وتستبيح دمه وتقول اقتلك


وتشتري سنجة وتقول ادبحك


وكل دة ليه ؟ عشان لعبتك


وإللي يخلي رجليه تشوط اخوه


يبقى برافو جاب في نفسه جول مافيش اخوه


ياخسارة ياعرب