عيش بيتي جميل علي البتوجاز مش هتصدقي


أيوه عالبتوجاز.....مش مصدقه ..جربي وشوفي
.

..
ومش هيكلفك

المقادير
كيلو دقيق ضعي عليه بذرة ملح
ملعقه ونصف زبده أو سمنه اتركيها 10دقائق بره التلاجه قبل الاستخدام
ماء دافئ للعجن
طاسه تيفال حجم وسط .... أكبر من حجم الرغيف اللي انتي عايزاه شويه....
نشابه للفرد ان ما كانش عندك ممكن الكرتونه اللي موجوده في نهاية الورق الفويل [ورق الالمونيوم ]شكل النشابه تستخدميها
الطريقه..
افركي الزبده مع الدقيق جيدا ......ثم نضع الماءعلي الدقيق شويه بعد شويه ونعجنهم جيدا لحد ما العجينه تبقي كويسه يعني منخلهاش لا لينه أوي ولا جامده...ونغطيها.. ونسيبها ترتاح شويه
وبعدين نقطع العجينه في حجم كرة البنج بونج أوأكبر شويه ونغطيها..
ممكن تتركيها ترتاح أو تبدأي علي طول...زي ما تحبي ..
نضع الطاسه علي النار
ونبتدي فرد العجينه بتفرديها بالنشابه مدوره زي رغيف العيش أصغر من حجم الطاسه شويه ... بس مش سمكه بترققيها شويه انتي بعد كده هتعرفي لوحدك...
أهم حاجه تكون الطاسه سخنت كويس.. تشيلي الرغيف اللي انتي فردتيه تشيليه بايديكي وتضعه في الطاسه علي النار دقيقه أودقيقتين وتقلبيه علي الجهه التانيه بيكون مستوي لما يكون منقط نقط حمراء جميله
ولما بيستوي نضعه في طبق مثلا ونضع تحته فوطة مطبخ أو قماشه عشان بيعرق...ونرصه فوق بعضه حتي لا ينشف
وهكذا بتعملي كل العيش و ممكن تفردي كم واحدة عجين وترصيها علي الطرابيزه علي ما يخلص اللي علي النار
أنا بفرد ه كله
وبعد ما تخلصي كله تغطيه كويس بقماشه ثقيله الي أن يبرد ...........ونضعه في كيس ونضعه في الفريزر
ولما تحتاجي منه تطلعي من الفريزر بيفك علي طول
وبالهناء والشفا
علي فكره ممكن تعملي الرقاق بنفس الطريقه دي بس بترققيه شويه في الفرد وبعد ما بيستوي لا نضعه فوق بعضه حتي ينشف [يجف]زي ما بتشتري الرقاق ناشف كده .............
جربوا كده.....

الله يا رؤى

والله فكرة جميلة فعلا وغير مكلفة

عيش وممكن رقاق كمان


تسلم ايدك حبيبتي